“1.50 ლარი უკვე 9 000-ზე მეტმა მასწავლებელმა ჩარიცხა. 9 000 მასწავლებელია საქართველოში, რომლებმაც ჩვენ სოლიდარობა გამოგვიცხადეს და ეს რიცხვი კიდევ იზრდება. ღამის 12 საათის მერე რაც ჩამირიცხეს, ეს ჯერ კიდევ არ მაქვს დათვლილი. ასე, რომ ლარნახევრით ვამარცხებთ მილიარდებს. ეს არის მილიარდზე ბევრად უფრო ძვირფასი, როცა მასწავლებლები ამას აკეთებენ. გარდა მასწავლებლებისა, სხვადასხვა ქალაქში მცხოვრები ქართველებიც ეხმარებიან. გუშინ მაგალითად არაჩვეულებრივი ველოსიპედი გადმომცეს, მარტო მე კი არა, ჩემს ბიჭებსაც აჩუქეს ველოსიპედები… დამიკავშირდნენ ამერიკელი ემიგრანტები და ავტომანქანა მაჩუქეს. საერთოდ არ ვიცნობდი ამ ადამიანებს. ამ ყველაფერმა მიმახვედრა, რომ ჩვენ ვართ ძალიან ბევრი… როცა 500 სკოლის დირექტორი ჩაგირიცხავს სოლიდურ თანხას, ეს ნიშნავს, რომ ისინი აღარ არიან “ოცნების” მხარდამჭერები” | ამბობს მასწავლებელი ლადო აფხაზავა “მთავარი არხის” ეთერში, გადაცემა “შენს დილაში”.
შეგახსენებთ, სასამართლომ ლადო აფხაზავა და კიდევ 8 პირი 5 000 – 5 000 ლარით დააჯარიმა. ისინი მოსამართლის საცხოვრებელ სახლთან, მზია ამაღლობელის სოლიდარობის აქციას მართავდნენ.
Loading ...