სენაკის სასამართლომ აღმკვეთის ღონისძიების სახედ პატიმრობა შეუფარდა 8 წლის გოგონას გაუპატიურების საქმეში ბრალდებულ მამა-შვილს. ეს გადაწყვეტილება მოსამართლე ლევან ნუცუბიძემ რამდენიმე წუთის წინ მიიღო და პროკურატურის მოთხოვნა დააკმაყოფილა.
სხდომას, რომელიც მედიისთვის დაიხურა, რადგან საქმე არასრულწოვნებზე სექსუალურ ძალადობას ეხება, ორივე ბრალდებული ესწრებოდა. ისინი სასამართლოს შენობაში პოლიციის მიერ გაკეთებული დერეფნის საშუალებით შეიყვანეს. დაკავებული 36 წლის მამაკაცის სიდედრი მივიდა სასამართლოში რამდენიმე წუთით. მისი თქმით, თუ დამნაშავეები არიან, უნდა დაისაჯონ.
დაკავებულთაგან ერთ-ერთს პროკურატურა კიდევ ერთი არასრულწლოვნის გაუპატიურებას ედავება. დაკავებულებს ბრალდება სისხლის სამართლის კოდექსის 137-ე მუხლის მე-4 ნაწილის “გ” ქვეპუნქტით წარედგინათ – გაუპატიურება, ჩადენილი წინასწარი შეცნობით არასრულწლოვანის მიმართ ბ.გ.-ს ორი ეპიზოდი, ზ.გ.-ს სამი ეპიზოდი, ხოლო ზ.გ-ს ასევე ბრალდება 138-ე მუხლის მე-3 ნაწილის “გ” ქვეპუნქტით – სექსუალური ხასიათის სხვაგვარი ქმედება ჩადენილი ძალადობით, დაზარალებულის უმწეობის გამოყენებით, წინასწარი შეცნობით თოთხმეტი წლის ასაკს მიუღწეველთან.
დაზარალებულის მამიდა ამბობს, რომ მეზობლებმა ბავშვზე სექსუალური ძალადობა ორი წლის წინ დაიწყეს.
გაუპატიურების ბრალდებით მამა-შვილი, 65 და 35 წლის მამაკაცები, სამი დღის წინ დააკავეს. ისინი მოზარდის მეზობლები არიან. ცეცხლი წაუკიდეს იმ სახლს, სადაც დაკავებულები ცხოვრობდნენ. მიუხედავად იმისა, რომ საცხოვრებელ სახლს პოლიცია 2 დღის განმავლობაში იცავდა, მოზარდის ახლობლებმა და სოფლის მცხოვრებლებმა ცეცხლის გაჩენა სახლში მაინც შეძლეს. როგორც “ლაივპრესს” შსს-ში განუცხადეს, დაწყებულია გამოძიება ასევე სახლისთვის ცეცხლის გაჩენის ფაქტზეც.
www.livepress.ge
Loading ...
