თბილისის ინფექციური საავადმყოფოს სამედიცინო დირექტორს, მარინა ეზუგბაიას ინფორმაციით, საქართველოში ბოლო 24 საათში დადასტურებული კორონავირუსის 8 ახალი შემთხვევიდან 3 ინფიცირებულთან კონტაქტია, 3 იმპორტირებულია, 2 -ის ინფიიცრების წყარო კი ჯერჯერობით დაუდგენელია.
ეზუგბაიას თქმით, 3 იმპორტირებული შემთხვევიდან 1 სატვირთოს მძღოლია.
თბილისის ინფექციურ საავადმყოფოში კორონავირუსის დადასტურებული დიაგნოზით 29 პაციენტი მკურნალობს. ეზუგბაიას თქმით, ყველა პაციენტის მდგომარეობა საშუალოდ და მსუბუქად ფასდება.
დღეს, 18 ივლისს, საქართველოში კორონავირუსით ინფიცირების 8 ახალი შემთხვევა დადასტურდა, გამოჯანმრთელდა კიდევ 10 ადამიანი.
ბოლო მონაცემებით, ქვეყანაში კორონავირუსი 1 018 ადამიანს დაუდასტურდა, მათგან 895 გამოჯანმრთელდა, 15 პაციენტი კი გარდაიცვალა.
კომენტარები
Loading ...
