75 წლის ქალმა თავის ჩამოხრჩობა სცადა

ახალციხის სოფელ ხეოთში 75 წლის ქალმა თავის ჩამოხრჩობა სცადა. იგი საავადმყოფოშია გადაყვანილი.

შემთხვევა დილით მოხდა. ქალი ოჯახის წევრმა იპოვნა და თოკიდან ჩამოხსნა.

„როგორც სოფელში ამბობენ, რძალს უპოვნია. საავადმყოფოში გადაიყვანეს. საერთოდ ძალიან კარგი, მშვიდი და დალაგებული ოჯახია, რატომ მოხდა ყველას უკვირს“, – აცხადებს სოფლის რწმუნებული.

75 წლის ქალი ახალციხის რეფერალურ ჰოსპიტალში გადაიყვანეს: 

„მდგომარეობა არ არის სახარბიელო, მძიმეა და წევს რეანიმაციულ განყოფილებაში, ხელოვნურ სუნთქვაზეა“, – განაცხადა ჰოსპიტალის დირექტორმა რევაზ კუჭუხიძემ.

წყარო: სამხრეთის კარიბჭე