შინაგან საქმეთა სამინისტროს ინფორმაციით, სამეგრელოს ერთ-ერთ სოფელში 7 წლის ბავშვზე ძალადობის ბრალდებით დედა და ბებია დააკავეს.
უწყების ცნობით, დაკავებულია 1981 წელს დაბადებული ნ.ქ. და 1955 წელს დაბადებული ა.ქ.
დანაშაული 3 წლამდე ვადით თავისუფლების აღკვეთას ითვალისწინებს.
“გამოძიებით დადგინდა, რომ 2017 წელს დაბადებულ არასრულწლოვანზე დედამ და ბებიამ ფიზიკურად იძალადეს. არასრულწლოვანს ძალადობის შედეგად, სხეულის სხვადასხვა არეში მრავლობითი დაზიანება აღენიშნება. სამართალდამცველებმა ორივე ბრალდებული ცხელ კვალზე ჩატარებული საგამოძიებო მოქმედებების შედეგად დააკავეს. გამოძიება სისხლის სამართლის კოდექსის 126-ე პრიმა მუხლის მე-2 ნაწილის „ა“ და “დ”ქვეპუნქტებით მიმდინარეობს, რაც წინასწარი შეცნობით, ჯგუფურად არასრულწლოვანის მიმართ ჩადენილ ოჯახში ძალადობას გულისხმობს”, – ნათქვამია ინფორმაციაში.
Loading ...