7 ნიშანი, რომ შენს მეუღლეს კარგად იცნობ

ქორწინება მხოლოდ სიყვარული არ არის — ეს ერთმანეთის შეცნობისა და ყოველდღიური ცხოვრების გაზიარების ხელოვნებაა.
როცა იცი, რა უხარია, რა აღიზიანებს ან როგორ იწყებს დილას შენი მეუღლე, სიყვარული ხდება უფრო ნამდვილი, უფრო ადამიანური და სითბოთი სავსე.

1. მისი ყოველდღიური ჩვევები

შენი მეუღლის ჩვევები მისი ბუნების ნაწილია. იცი, რომელი ფინჯნიდან უყვარს დილაობით ყავის დალევა? გაღიზიანებისას მუსიკის მოსმენა ურჩევნია თუ დიალოგი ვინმესთან? 
შეისწავლე ეს დეტალები — ისინი გეხმარება, უკეთ გაიგო ადამიანი, რომელიც შენს გვერდითაა.

2. მისი გემოვნება — მუსიკაში, კერძებში და სტილში

შენი მეუღლის გემოვნება ბევრ რამეს ამბობს მასზე. უნდა იცოდე,  რა კერძი უყვარს, რა ფერის ტანსაცმელს ამჯობინებს, როგორი მაისურები უყვარს, მრგვალი თუ სამკუთხა გულით?
ეს ცოდნა საშუალებას გაძლევს, პატარა სიურპრიზებით გაალამაზო დღეები —მოუმზადო საყვარელი საჭმელი, გაუკეთო პატარა საჩუქარი ან ტანსაცმლის მაღაზიაში მისი ყველაზე სანდო პარტნიორი იყო.

3. როგორ გამოხატავს სიყვარულს

ზოგისთვის სიყვარული ჩახუტებაა, ზოგისთვის — დახმარება, ზოგი კი უბრალოდ გვერდით ყოფნით გეუბნება „მიყვარხარ“.
გაარკვიე, როგორ აჩვენებს შენს მეუღლე სიყვარულს, და ისწავლე მისი ენით საუბარი — ეს თქვენს ურთიერთობას გაცილებით მტკიცეს გახდის.

4. რა აშფოთებს და როგორ იმშვიდებს თავს

ყველას გვაქვს რთული დღეები. ზოგს საუბარი შველის, ზოგს — სიჩუმე ან სიარული.
იცოდე, რა აწუხებს შენს მეუღლეს და როგორ უნდა დაეხმარო ასეთ დროს — ზოგჯერ ერთი ჩახუტება სიტყვებზე მეტს ნიშნავს.

5. როგორ იღებს გადაწყვეტილებებს

ზოგი მოქმედებს ინტუიციით, ზოგს კი სჭირდება დრო და ანალიზი. როცა იცი, როგორ ფიქრობს შენი მეუღლე, კამათი მცირდება და ნდობა იზრდება.
ისწავლე არა მხოლოდ შენი აზრის დაცვა, არამედ მისი ხედვის გაგებაც.

6. მისი ღირებულებები და მიზნები

რა არის მისთვის მნიშვნელოვანი? ოჯახი, კარიერა, თავისუფლება თუ სტაბილურობა?
როცა ეს იცი, უკეთ მიხვდები მის გადაწყვეტილებებს და შეძლებ, საერთო მიმართულება და გადაკვეთის წერტილი იპოვო — იქ, სადაც თქვენი მიზნები ერთმანეთს ხვდება.

7. რა უყვარს შენში

ყველაზე მარტივი, მაგრამ ყველაზე ღრმა კითხვა — რა უყვარს შენში? 
იქნებ შენი სიმშვიდე, იუმორი, პასუხისმგებლობა ან ბავშვური მხარეა ის, რაც მას იზიდავს.
ეს ცოდნა გახსენებს, რატომ დაიწყეთ ეს გზა ერთად და გეხმარება, არ დაკარგო ის თვისებები, რომლის გამოც მან თავის დროზე შეგიყვარა.

ერთმანეთის შეცნობა ერთ დღეში არ სრულდება — ეს ყოველდღიური პროცესია.
როცა შენს მეუღლეზე იცი არა მხოლოდ მნიშვნელოვანი, არამედ თითქოს უმნიშვნელო დეტალებიც, ურთიერთობა უფრო მარტივი და ბუნებრივი ხდება.
ეს ცოდნა გეხმარება, უკეთ გაიგო, როგორ გრძნობს თავს, რა სჭირდება და როგორ შეინარჩუნოთ ის პატარა ბალანსი, რაც სიყვარულს ყოველდღე ამაგრებს.