აფხაზეთში  რუსეთის ორი მოქალაქის გატაცების და მათთვის დიდი თანხის გამოძალვის ფაქტზე სისხლის სამართლის საქმე აღძრეს. ამის შესახებ თვითგამოცხადებული რესპუბლიკის გენეარალური პროკრატურა იუწყება.

უწყების ცნობით, 14 აპრილს საპარკინე ზონაში, რომელიც სოხუმის სავაჭრო კომპლექსთან მდებარეობს, რუსეთის მოქალაქე ლეონიდ შოკლერი მისი ნების წინააღმდეგ «Lexus GX»-ის მარკის ავტომობილში ჩასვეს და სოხუმის რაიონის სოფელ აჩადარაში მიიყვანეს.

“2023 წლის 18 აპრილის ლეონიდ შოკლერი არაერთგზის სხვად ასხვა მისამართებძე გადაიყვანეს. ის მხოლოდ ამს შემდეგ გაათავისუფლეს, რაც დედამ 5 ათასი დოლარის ოდენობით ფულადი გამოსასყიდი გადაიხადა” – ნათქვამია პროკურატურის განცხადებაში. 

უწყების ცნობით, 19 აპრილს შოკლერის დროებითი საცხოვრებლის ტერიტორიიდან მისი მეგობარი  ისმაილ შეიხი გაიტაცეს.

“გატაცებული მოტყუებით გალის რაიონის სოფელ ოკუმში წაიყვანეს. მიუხედევად იმისა, რომ რომ შეიხის მიმართ გამტაცებლებმა სიცოცხლისთვის საშიში მეთოდებით იძალადეს, მან გაქცევა მაინც მოახერხა და ამის შესახებ სამართალდამცავებს აცნობა” – ნათქვამია შეტყობინებაში.