გურიაში პოეტ პაატა ბართოლომეო მახარაძის სახელობის ლიტერატურული კონკურსი დაფუძნდა

გურიაში პოეტ პაატა ბართოლომეო მახარაძის სახელობის ლიტერატურული კონკურსი ‘’მე ვიმღერებ, შენ აშენე’’ დაფუძნდა, პროექტის ავტორი პოეტი და მსახიობი სოფიო ღლონტი და ნაადრევად გარდაცვლილი პოეტის და, გერმანიაში მოღვაწე ქართველი მუსიკოსი ბელა ბერკემერ–მახარაძეა. კონკურსი გურიის რეგიონის საჯარო სკოლების 9–12 კლასების მოსწავლეებისთვის არის განკუთვნილი. პოეტი პაატა მახარაძე პროფესიით იურისტი იყო, ის სამართალდამცველ სტრუქტურებში მუშაობდა, თუმცა ლიტერატურის სიყვარულით და ამ მიმართულებით განსაკუთრებული ნიჭით გამოირჩეოდა. პაატა მახარაძე 2021 წლის 6 სექტემბერს ტრაგიკულად გარდაიცვალა. მისი სახელობის კონკურსი, რომლის მიზანი ნიჭიერი ახალგაზრდა ავტორების აღმოჩენა და პოპულარიზაციაა, ზაფხულში გაიმართება, მანამდე კი მსურველებს თავიანთი ნაწარმოებების გაგზავნა შეუძლიათ მისამართზე: belageorgia@yahoo.de