6 წარმოუდგენელი ცვლილება მშობიარობის შემდეგ

მშობიარობის შემდეგ ქალის ცხოვრება მკვეთრად იცვლება. მას არამხოლოდ საკუთარ თავზე, არამედ უკვე შვილზე პასუხისმგებლობაც ეკისრება. ამ დროს ცვლილებები მიმდინარეობს დედის ორგანიზმშიც – მეცნიერები ამტკიცებენ, რომ ბავშვის უჯრედები მშობლის სხეულში სამუდამოდ რჩება.
იმის გაგება, თუ რა ხდება მშობიარობის შემდეგ დედის ორგანიზმში, ნამდვილად გაგაოცებთ. აი, რამდენიმე მათგანიც:
იცვლება ხმა
სასექსის უნივერსიტეტის მეცნიერებმა დაასკვნეს, რომ მშობიარობის შემდეგ ქალის ხმის ტემბრი უფრო დაბალი და ერთფეროვანი ხდება. ამას ხშირად გადაღლილობასა და სტრესს აბრალებენ ხოლმე, თუმცა ამ პროცესს ბიოლოგიური ახსნა აქვს. შვილის გაჩენის შემდეგ ორგანიზმში დედის სასქესო ჰორმონების დონე იკლებს, რაც გავლენას ახდენს ხმის იოგების სიძლიერეზეც. მშობიარობიდან დაახლოებით ერთი წლის შემდეგ ქალის ხმა ჩვეულ ნორმას უბრუნდება.

მეორე მოსაზრებით, დაბალი და თანაბარი ხმის ტემბრის ადამიანების იმიჯი უფრო სანდო და საიმედოა. სავარაუდოა, რომ მშობიარობის შემდეგ დედა ბუნებრივად ირგებს ამ როლს, რათა ახალშობილთან ურთიერთობისას ბარიერი არ შეექმნას.
იზრდება შფოთვა
ახალბედა დედებს ხშირად უმეორებენ, რომ შეინარჩუნონ სიმშვიდე, თუმცა ეს, ფაქტობრივად, შეუძლებელია. ჩვეულებრივ, დედა, რომელმაც ახლახან იმშობიარა, ნერვიულობს ყველაფერზე – თუ ბავშვი ტირის ან არ ტირის, თუ ბავშვს დიდი ხნის განმავლობაში სძინავს ან არ სძინავს და ა.შ. ამის მიზეზი კი, სინამდვილეში, ჰორმონებია.
მშობიარობის შემდეგ ორგანიზმში აქტიურად გამოიყოფა ნივთიერება ოქსიტოცინი და ეხმარება საშვილოსნოს, დაიბრუნოს ჩვეული ზომა. კიდევ ერთი ჰორმონი, რომელიც ამ პროცესში მონაწილეობს, არის პროგესტერონი. ის პასუხისმგებელია ნერვული სისტემის მოდუნებაზე, თუმცა მშობიარობის შემდეგ ამ ფუნქციას ნაკლებად ასრულებს და სწორედ ესაა მიზეზი მომატებული შფოთისა.
საინტერესოა, რომ ოქსიტოცინს სიყვარულის ჰორმონსაც უწოდებენ. ის საშუალებას აძლევს ქალს, იგრძნოს წარმოუდგენელი სინაზე, სიახლოვე და სიყვარული შვილის მიმართ.

უმჯობესდება ტვინის მუშაობა
კელი ლამბერტი, მეცნიერი, რომელიც სწავლობს ქალის ტვინის თავისებურებებს მშობიარობის შემდეგ, ამტკიცებს, რომ შვილის გაჩენის შემდეგ დედის ტვინი უფრო აქტიური და „შრომისუნარიანია“. ახალნამშობიარებ ქალს შეუძლია მიიღოს საუკეთესო გადაწყვეტილებები, მოაგვაროს პრობლემები, შეიმუშავოს კრიზისის მართვის სტრატეგია და იყოს კარგი მენეჯერი. ამას კი განაპირობებს ის, რომ ახლა ქალი არა ერთი, არამედ ორი ადამიანის მაგივრად ფიქრობს.
მარტივდება შემდეგი მშობიარობა
ორსულობის პერიოდში ქალის იმუნური სისტემა მკვეთრად უარესდება. ეს კი იმიტომ ხდება, რომ ორგანიზმმა არ უარყოს ახალი უჯრედები და მისცეს ნაყოფს განვითარების საშუალება. მეცნიერებმა დაადგინეს, რომ ეს უჯრედები მშობიარობის შემდეგ კიდევ 4-5 წლის განმავლობაში რჩება დედის სხეულში და მუდმივ მზადყოფნაში ამყოფებს მას ახალი ორსულობისთვის. სწორედ ესაა მიზეზი იმისა, როცა ქალები ამბობენ, რომ ორსულობა მეორე შვილზე ბევრად მარტივი იყო.