6 ადამიანი, მათ შორის ბავშვები დაშავდა ავტოსაგზაო შემთხვევისას ცენტრალურ მაგისტრალზე

თბილისი-სენაკი-ლესელიძის საავტომობილო მაგისტრალზე ავტოსაგზაო შემთხვევის შედეგად 6 ადამიანი დაშავდა, დაშავებულთაგან 4 ბავშვია.

შემთხვევა იგოეთის სიახლოვეს მოხდა, ,,მიცუბიშის” მარკის ავტომობილი გზის სავალი ნაწილიდან გადავიდა და ავტობანის ბეტონის ჯებირს შეეჯახა.

სასწრაფო დახმარების ჯგუფებმა ავტომობილში მყოფი 2 პირი და 4 არასრულწლოვანი კლინიკაში გადაიყვანეს. დაშავებულებს სხვადასხვა სიმძიმის დაზიანებები აღენიშნებათ. შემთხვევის ადგილზე საპატრულო პოლიცია და მეხანძრე-მაშველები იმყოფებიან,

მომხდარ ფაქტზე დაწყებულია გამოძიება.