ხვალ ოზურგეთის დრამატული თეატრი რეჟისორ გოჩა კაპანაძის სპექტაკლს უმასპინძლებს. მცირე სცენაზე ცხინვალის ივანე მაჩაბლის სახელობის პროფესიული სახელმწიფო დრამატული თეატრის სპექტაკლი ,,მარო მაყაშვილის დღიური“ იქნება წარმოდგენილი.
საქართველოს დამოუკიდებლობისათვის ბრძოლის მსხვერპლი, 19 წლის მარო მაყაშვილი, პირველი ქართველი ქალია, რომელსაც ეროვნული გმირის წოდება მიენიჭა. ეროვნული გმირი, მოწყალების და მარო მაყაშვილი თავისუფლების, პატრიოტიზმის, თანასწორობის და საერთოდ, ყველა კეთილშობილი იდეალისთვის თავგანწირული ადამიანის სიმბოლოდ იქცა.
სპექტაკლის მხატვარი ლომგულ მურუსიძეა. მონაწილეობენ: თამარ გოგიძე, მაკა გელაძე, დალი დოიჯაშვილი, თინათინ კობალაძე, მადონა ტეხური, ანა ხურციძე.
სპექტაკლი, რომელიც 20 სექტემბერს, 13 საათზე გაიმართება, საქართველოს კულტურის, სპორტისა და ახალგაზრდობის სამინისტროს ხელშეწყობით ხორციელდება.
Loading ...
