“რატომ ხდება ასე წინმსწრებად სამუშაოების წარმოება ბახმაროში?” – ირმა გორდელაძე რეაგირებას შესაბამის სტრუქტურებს სთხოვს

სამოქალაქო აქტივისტი და ბუნებადამცველი, ორგანიზაცია ,,ეკოს ” დამფუძნებელი ირმა გორდელაძე ორგანიზაციის ფეისბუქ გვერძე პოსტს აქვეყნებს და იტყობინება, რომ კურორტ ბახმაროში, მისივე განცხადებით შესაძლოა ჰესის უკანონო მშენებლობაა დაწყებული და რეაგირებას შესაბამის სტრუქტურებს სთხოვს.

დღეს მომაწოდეს ეს ფოტოები, ბახმაროდან, იქ სადაც მდინარე ბახვისწყალი და ბაისურა უერთდება ერთმანეთს.

გასაკვირია რა სამუშაოები მიდის?

ბახვი 1 ჰესის პროექტს რომელიც ეკუთვნის შპს სი-სი-ი-ეიჩ ჰაიდრო VI, ჯერ სამინისტროსაგან გარემოსდაცვითი გადაწყვეტილება და მშენებლობის ნებართვა გაცემული არ აქვს და მითუმეტეს არც მშენებლობის უფლება.

რატომ ხდება ასე წინმსწრებად სამუშაოების წარმოება?

კომპანიის წარმომადგენლებმა ჩემი სატელეფონო ზარებისას იუარეს-ჩვენ არ ვმუშაობთო…

P.S აბა მე ვმუშაობ?

კომპანიასთან ერთად დავხვეწეთ და თანამედროვე სტანდარტებს მივუახლოვეთ ეს პროექტი , მაგრამ კანონი-კანონია!

– წერს ირმა გორდელაძე.