შეთანხმება ვერ შედგა, მორატორიუმი ჩაიშალა. სუნდაში ისევ სროლებია, მშვიდობიანი მოსახლეობა ქალაქები და აეროპორტის ტერიტორია დილიდან იბომბება. დაპირისპირების ეპიცენტრიდან კი საქართველოს მოქალაქეების გამოყვანა ისევ ვერ ხერხდება. ავიაკომპანიის თანამშორმლებს დღეს წყალი და საკვების მარაგი შეუვსეს, თუმცა მათი ბედი ისევ გაურკვეველია.
ავიაკომპანია “მაი ვეის” პილოტი, B737 ხომალდის მეთაური მამუკა მარკოზაშვილი ამბობს, რომ სუდანში ახლა ბრძლები მიდის აეროპორტისთვის, რადგან ქვეყანაში შესვლის და გამოსვლის ერთადერთი სტრატეგიული წერტილი სწორედ აეროპორტია.
„ყველა მხრიდან ბომბავენ, უტევენ. არავითარი მორატორიუმი, დილის 05:30-დან დაიწყეს სროლები. ახლა მიდის ბრძოლა აეროპორტისთვის, ვინ ჩაიგდებს ხელში აეროპორტს. არ არის განვითარებული სახმელეთო გზები, რკინიგზა საერთოდ არა აქვთ. ძირითადი კარიბჭე ამ ქვეყანაში, რომ შემოხვიდე და გახვიდე არის აეროპორტი. ეპიცენტრი ბრძოლის არის ჩემს თვითმფრინავამდე კილომეტრ ნახევარი. თუ შემთხვევითი რაღაც არ მოხდა, მე მგონი უნდა გადარჩეს. პილონები აქვს დამაგრებული და იმით ბომბავენ” – ამბობს მამუკა მარკოზაშვილი.
50 ქართველი მეხუთე დღეა ჰუმანიტარული დერეფნის გახსნას უშედეგოდ ელოდება.
Loading ...
