არესტოვიჩი: აღარ ვთხოვთ NATO-ს ცის ჩაკეტვას, უკვე ჩვენითაც შეგვიძლია ეს

უკრაინის პრეზიდენტის ოფისის ხელმძღვანელის მრჩევლის, ოლექსი არესტოვიჩის თქმით, უკრაინა ცის დახურვაზე აღარ აწარმოებს NATO-სთან მოლაპარაკებებს.

“არა, ეს დახურული კითხვაა. ჩვენ გვჭირდება საჰაერო თავდაცვის სისტემა, რომელიც უკვე გვაქვს. და ჩვენ თვითონ დავხურავთ ცას”. – ასე უპასუხა არესტოვიჩმა მედუზას ჟურნალისტის კითხვას ცის დახურვასთან დაკავშირებით.

რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო. პუტინის მიერ უკრაინისთვის ომის გამოცხადებას წინ უძღოდა დონეცკისა და ლუგანსკის თვითგამოცხადებული

რესპუბლიკების მარიონეტული რეჟიმების ფორმალური თხოვნა კრემლისადმი, დახმარებოდნენ “უკრაინული აგრესიის” მოგერიებაში.

უკრაინაში შეჭრის პარალელურად, მსოფლიოს წამყვანი ქვეყნები რუსეთს სხვადასხვა სახის სანქციას უწესებენ.