სამოქალაქო აქტივისტები ჩოხატაურში ,,ალტ – ინფოს” ოფისის გახსნას აპროტესტებენ

სიტყვიერი დაპირისპირება იყო დღეს ჩოხატაურში. ჩოხატაურელი და ოზურგეთელი სამოქალაქო აქტივისტები, ჩოხატაურის ,,ალტ – ინფოს” წარმომადგენლებს დაუპირისპირდნენ. როგორც ინფორმაცია ვრცელდება, სულ მალე ჩოხატაურში ,, ალტ – ინფოს” ოფისის გახსნა იგეგმება, რასაც ადგილობრივი აქტივისტები ეწინააღმდეგებიან. ალტ-ინფოს წარმომადგენელი, სოსო თოხაძე , რომელიც აღნიშნულ ოფისს უხელმძღვანელებს ამბობს, რომ მათ ადგილზე ბევრი მხარდამჭერი ჰყავთ და ოფისს აუცილებლად გახსნიან. სოსო თოხაძე ჩოხატაურელი ბიზნესმენია და როგორც ადგილობრივები ამბობენ ,,ქართული ოცნების ” შემომწირველი. თავად ფართი კი ასევე ჩოხატაურელი გოჩა მეგრელიშვილის საკუთრებაა, რომელიც 2012 წლიდან ,,ქართული ოცნების” დამფუძნებელია.