4 ოქროს ქამარი, 4 ოქრო და 2 ვერცხლის მედალი – ოზურგეთელი კიკბოქსინგელების წარმატება

3 – 4 აგვისტოს ქალაქებში – ახმეტასა და თელავში კიკბოქსინგში ( K 1 ) სხვადასხვა ასაკობრივ ჯგუფში და წონით კატეგორიაში საერთაშორისო ტურნირი გაიმართა.

ახმეტაში ერთმანეთს მოყვარულები, ხოლო თელავში პროფესიონალი სპორტსმენები დაუპირისპირდნენ და ბრძოლები ოქროს ქამრისთვის გაიმართა.

შეჯიბრზე, როგორც ახმეტაში, ასევე თელავში წარმატებით გამოვიდნენ ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებული კიკბოქსინგის სექციის სპორტსმენები ( ურეკის სკოლა) და შინ 4 ოქროს ქამარი, 4 ოქროსა და 2 ვერცხლის მედალი წამოიღეს.

ოქროს ქამარი მოიპოვეს – ანა მუკუტაძემ, ლუკა ჩუბინიძემ, ნიკა კუტალაძემ, ფრიდონ ჩხარტიშვილმა ( მწვრთნელი – ვაჟა თურმანიძე);

I ადგილი დაიკავეს – ნიკა ჩარიგოგლიშვილმა, ჯაბა ლომთაძემ, ილია ვარდიმაშვილმა, ნიკა კუტალაძემ ( ქამარი), გიორგი კაჭახიძემ;

II ადგილი – გიორგი გურგენაძე, დავით ღონღაძე, მწვრთნელი დავით სარიშვილი.