საქართველოს პრემიერის, გიორგი გახარიას გადაწყვეტილებით, კორონავირუსის პრევენციის მიზნით, სწავლა ყველა საგანმანათლებლო დაწესებულებაში შეწყდება. სწავლის შეწყვეტის ვალდებულება ხვალ, 4 მარტიდან აქვთ.
“ამ გადაწყვეტილების კერძო სკოლებზე, პროფესიულ და უმაღლეს სასწავლებლებზე სავალდებულოდ გავრცელების მიზნით, საქართველოს მთავრობამ გამოსცა განკარგულება, 16 მარტამდე ყველა საჯარო თუ კერძო სასწავლო დაწესებულებაში სასწავლო პროცესის შეწყვეტის თაობაზე. სასწავლო დაწესებულებებმა პროფილაქტიკის მიზნით უნდა ჩაატარონ სადეზინფექციო სამუშაოები, ჯანდაცვის სამინისტროს მიერ გაწერილი პროტოკოლის შესაბამისად”, – ვკითხულობთ მთავრობის ადმინისტრაციის მიერ გავრცელებულ განცხადებაში.
კორონავირუსის პრევენციის მიზნით, სკოლებში არდადეგები, 9 მარტის ნაცვლად, 2 მარტს გამოცხადდა. სწავლა შეწყვიტეს უმაღლესმა სასწავლებლებმაც. ამ დროისთვის ჯერ არ შეცვლილა არდადეგების დასრულების თარიღი, 16 მარტი.
Loading ...