38 წლის ქალი 4 წლის შვილის თვალწინ მოკლეს – მკვლელობის ახალი დეტალები

ქალაქ ოზურგეთში, ლესელიძის ქუჩაზე საგამოძიებო მოქმედებები ამ დრომდე მიმდინარეობს. 38 წლამდე ქალი, გავრცელებული ინფორმაციით, ყოფილმა ქმარმა მოკლა. ვერსიებზე საუბარი მეზობლებს უჭირთ, თუმცა სავარაუდო ინფორმაციით კონფლიქტი ბავშვის გამო დაიწყო. ქალს, ჭრილობები წვრილი რკინით ე.წ. შტირით აქვს მიყენებული, ის ადგილზე გარდაიცვალა. მკვლელობა დილის საათებში მოხდა. გავრცელებული ინფორმაციით, მამაკაცი ციხიდან რამდენიმე თვის გამოსული იყო, სადაც ასევე ოჯახში ძალადობის გამო იჯდა. მოკლული ქალი სამ შვილთან ერთად სოფელ მზიანიდან ქალაქ ოზურგეთში სამი თვის წინ გადმოვიდა და ქირით ცხოვრობდა. მამაკაცი მას შერიგებას სთხოვდა. უარის გამო დაწყებული კონფლიქტის შემდეგ კი ყოფილი ცოლი 4 წლის შვილის თვალწინ მოკლა. ჩვენი ინფორმაციის თანახმად, მკვლელობაში ეჭვმიტანილი პოლიციას ჩაბარდა. შინაგან საქმეთა სამინისტროს განცხადებით, გამოძიება უკვე დაწყებულია.