ტექნიკურმა პროგრესმა ახალი საფიქრალი შეუქმნა კაცობრიობას: რამდენად ჯანსაღია ის პროდუქტები, რომლითაც ყოველდღიურად ვიკვებებით? ეს კითხვა ყველა ჩვენგანს აწუხებს, რადგან ადამიანის ჯანმრთელობისათვის მავნე პროდუქტების რაოდენობამ უკვე აპოგეას მიაღწია. დღევანდელ პოსტში მინდა შემოგთავაზოთ იმ პროდუქტების ჩამონათვალი, რომლებიც არამარტო მავნეა ადამიანისათვის, არამედ მათი მიღება სერიოზულ საფრთხეს უქმნის ჩვენს ჯანმრთელობას.
1. ნატრიუმის გლუკონატი
არავითარ შემთხვევაში არ შეიძლება იმ პროდუქტების საკვებად გამოყენება, რომლის შემადგენლობაშიც მითითებულია დანამატი Е-621 (ნატრიუმის გლუკონატი). კარგად დააკვირდით სუპერმარკეტების თაროებზე ლამაზად ჩამწკრივებულ პროდუქტებს და აუცილებლად წაიკითხეთ ეტიკეტი. გახსოვდეთ, რომ ნატრიუმის გლუკონატი გემოს გამაძლიერებელია და მას საკმაოდ ბევრ საკვებ პროდუქტს უმატებენ.
2. შაქრის შემცვლელები
შაქრის შემცვლელები ადამიანებს იზიდავს იმით, რომ მათში ფაქტიურად არაა კალორიები და ძალიან ეკონომიურია (იაფი ღირს). არავითარ შემთხვევაში არ შეიძლება მათი მიღება. მოხვდება რა ორგანიზმში, ჩვენი საჭმლის მომნელებელი სისტემის რეცეპტორები შეიგრძნობენ ტკბილ გემოს და მზად არიან ნახშირწყლების გადასამუშავებლად, მაგრამ ისინი შაქრის შემცვლელებში არ არის. ამის შემდეგ ორგანიზმს შიმშილი ეწყება და მადა ორმაგდება. ამიტომ ნუ მოატყუებთ ორგანიზმს, უარი თქვით ამ მავნე ნივთიერებაზე.
3. ტრანსცხიმები ანუ მოდიფიცირებული ცხიმები
დაიმახსოვრეთ, კარაქი, რომლის შეფუთვაზე მითითებულია წარწერა -ცხიმიანობა 72, 5 %, -არავითარ შემთხევვაში არ უნდა მიიღოთ. ეს ტრანსცხიმია- წყალბადით გაჯერებული დაბალხარისხიანი მცენარეული ცხიმი. 82, 5 %-ზე დაბალი ცხიმიანობის კარაქი არ არსებობს. ჯობია შეჭამოთ 20 გრამი ჩვეულებრივი ნატურალური კარაქი, ვიდრე მთელი ყუთი ტრანცხიმი ან მარგარინი.
4. გენმოდიფიცირებული პროდუქტები
არაქისი – გახსოვდეთ, რომ მისი დიდი ნაწილი შემოტანილია და გენმოდიფიცირებულია, განსაკუთრებით მავნებელია მარილიანი არაქისი, კონსერვირებული სიმინდი და ბარდა, იმპორტული კარტოფილის უმეტესი ნაწილი, კიბორჩხალას (კრაბის ) ჩხირები, რომელიც კიბორჩხალას თათებს საერთოდ არ შეიცავს და კიბორჩხალას ესენციისა და სოიოსაგან მზადდება
5. სიმინდის ბურბუშელა
თუ სიმინდის ბურბუშელას ყიდულობთ, კარგად გასინჯეთ: ტკბილი გემო თავად ბურბუშელას არ უნდა ჰქონდეს, ის უნდა დატკბეს მხოლოდ ზემოდან მოყრილი შაქრის პუდრით. თუ ბურბუშელა ტკბილია, ესე იგი მასში გამოიყენეს შაქრის შემცვლელები, უმეტეს შემთხვევაში ციკლომატი. დაიმახსოვრეთ, რომ ბურბუშელა 200 გრადუს ტემპერატურაზე მზადდება, ხოლო შაქარი 140 გრადუსზე იწვის.
Loading ...