წელს საქართველოში უცხოელების მიერ შეძენილი მიწის ნაკვეთების თითქმის 62% რუსეთის მოქალაქეებზე მოდის. უფრო კონკრეტულად, 2023 წლის 3 თვეში საქართველოში უცხოელებმა არასასოფლო-სამეურნეო დანიშნულების 2 038 მიწის ნაკვეთი დაირეგისტრირეს, აქედან 1 256 რუსეთის 447 მოქალაქის საკუთრება გახდა.
აღნიშნული ინფორმაცია იუსტიციის სამინისტროდან სადეპუტატო კითხვის სახით ხათუნა სამნიძემ გამოითხოვა.
„ბიზნესპრესნიუსი“ გთავაზობთ 5 ქვეყნის ჩამონათვალს, რომლის მოქალაქეებიც 2023 წელს საქართველოში შეძენილი მიწის ნაკვეთების რაოდენობით მოწინავეა:
- რუსეთი 1 256 მიწის ნაკვეთი, 447 მესაკუთრე
- სომხეთი – 164 მიწის ნაკვეთი, 47 მესაკუთრე
- საბერძნეთი – 154 მიწის ნაკვეთი, 58 მესაკუთრე
- უკრაინა – 70 მიწის ნაკვეთი, 26 მესაკუთრე
- გერმანია – 54 მიწის ნაკვეთი, 21 მესაკუთრე
რაც შეეხება 2022 წელს, შარშან 12 თვის განმავლობაში საქართველოში 2 702 მიწის ნაკვეთი რუსეთის 1 241 მოქალაქემ დაირეგისტრირა, სომხეთის 73-მა მოქალაქემ 248 მიწის ნაკვეთი, უკრაინის 64-მა მოქალაქემ 118 მიწის ნაკვეთი, საბერძნეთის 60-მა მოქალაქემ კი შარშან 133 მიწის ნაკვეთი დაირეგისტრირა.
რაც შეეხება სხვა ქონებას, რუსეთის მოქალაქეებმა 2023 წელს 14 კომერციული ფართი შეიძინეს, სულ უცხოელებმა კი 41.
417 არაკომერციული ფართიდან წელს 3 თვეში რუსეთის მოქალაქის მფლობელობაში 152 ფართი დარეგისტრირდა.
www.bpn.ge
Loading ...
