3-დღიანი ძებნის შემდეგ, სუფსაში 60 წლის კაცის ცხედარი იპოვეს

სუფსაში 60 წლის კაცის ცხედარი იპოვეს, კაცს მდინარეში 3 დღის განმავლობაში ეძებდნენ  – ამის შესახებ ინფორმაციას “გურიის მოამბე” ავრცელებს.

ოზურგეთის მუნიციპალიტეტის სოფელ კონჭკათის მცხოვრებელი 3 დღის წინ მდინარეში ჩავარდა, როცა ის თევზაობიდან სახლში ბრუნდებოდა და მდინარე სუფსის გადალახვას ცდილობდა.

როგორც მისმა თანმხლებმა პირმა აღნიშნა, კაცს ფეხი მდინარის გადმოკვეთვისას დაუცდა და ჩავარდნის შემდგომ ის მდინარემ გაიტაცა.