საქართველოს პარლამენტის დეპუტატმა, დედაქალაქის მერის, კახა კალაძის პროტეჟემ, რევაზ არველაძემ თქვა, რომ საქართველოში ბავშვები არ შიმშილობენო.
„საქართველოში ბავშვები საერთოდ არ შიმშილობენ. მე ვერ ვიჯერებ მაგ ამბავს“, – ეს კომენტარი რევაზ არველაძემ გაკეთა იმ ინფორმაციის საპასუხოდ, რომელშიც ნათქვამია, რომ ბაღდათში, ხანძრის შედეგად დაღუპული 4 ბავშვი უკიდურეს სიღარიბეში ცხოვრობდა.
მშიერ ბავშვებსა და გაუსაძლის ყოფაში მყოფ ოჯახებს რომ ვერ ხედავენ ხალხის რჩეული კანონმდებლები, ეს ახალი ამბავი არაა ქართული პოლიტიკისთვის. სამწუხაროდ, „ქართული ოცნების“ დეპუტატების უმეტესობა „ძალიან ახლომხედველია“, როგორც პოლიტიკურად, ისე ზოგადად.
თუმცა, დეპუტატ არველაძეს, როგორც ეტყობა, გაეროს დასკვნის შესახებაც არაფერი სმენია. გაერთიანებული ერების ორგანიზაციის მონაცემებითაც, საქართველოში 77 ათასი ბავშვი შიმშილობს.
რადგან დეპუტატს არ ესმის ხალხის გაჭირვების ხმა, „მიზეზის დასადგენად“ „2020NEWS“-მა დედაქალაქის მერის, კახა კალაძის პროტეჟეს ქონებრივ დეკლარაციას გადახედა.
დეკლარაციაში წერია, რომ რევაზ არველაძე და მისი მეუღლე, სოლიდური ქონების მფლობელები არიან. კერძოდ, მის მეუღლეს, მარინა ხომერიკს 2018 წელს, თბილისის ერთ–ერთ ცენტრალურ უბანში ორი ბინა შეუძენია. იგი ნინოშვილის ქ,#51-ში ფლობს 79,1 კვ.მ. და 41,9 კვ.მ. ფართის ბინებს.
თავად არველაძეს 2016 წელს ვაკეში შეუძენია ბინა, რომლის საერთო ფართი 145,92 კვ.მ.-ია და დეკლარაციაშივეა მითითებული, რომ მისი საბაზრო ღირებულება 270 ათასი დოლარია. არველაძე, აღნიშნული ქონების 50 %-ის მფლობელია და წილს საკუთარ შვილთან ინაწილებს.
Loading ...
