აბაშაში, სოფელ ქოლობანში 25 წლის ახალგაზრდა ცივი იარაღით დაჭრეს. მას ჭრილობები სხეულის სხვადასხვა არეში აქვს მიყენებული. ჩაუტარდა ოპერაცია და გადაყვანილია კრიტიკული მედიცინის ცენტრში. არსებული ინფორმაციით, მდგომარეობა მძიმეა.
რაც შეეხება მომხდარს. შელაპარაკება სუფრაზე დაიწყო და მოგვიანებით ქუჩაში გაგრძელდა. არსებული ინფორმაციით, საქმის გასარჩევად 25 წლის ჯემალ მიქელაძე ჯერ სოფლის ცენტრში დაიბარეს, შემდეგ კი დაახლოებით 5-მდე შეიარაღებული პირი დანებითა და კუსტარულად დამზადებული ბასრი საგნებით, თავს დაესხა და მძიმე ჭრილობები მიაყენა.
დაჭრილის ოჯახი მედიასთან არ კონტაქტობს, მომხდარზე კი გამოძიება განზრახ მკვლელობის მცდელობის მუხლით არის დაწყებული.
კომენტარები
Loading ...