ვოლოდიმირ ზელენსკის თქმით, ხვალ კიევში აშშ-ს სახელმწიფო მდივანი, ენტონი ბლინკენი და თავდაცვის მდივანი, ლოიდ ოსტინი ჩავლენ. ზელენსკი ასევე იმედოვნებს, რომ ძალიან მალე უსაფრთხოების ვითარება საშუალებას მისცემს აშშ-ს პრეზიდენტს, ჯო ბაიდენს პირადად ჩავიდეს უკრაინაში.
ამის შესახებ უკრაინის პრეზიდენტმა, ვოლოდიმირ ზელენსკიმ კიევის მეტროში გამართულ პრესკონფერენციაზე ისაუბრა.
ზელენსკის თქმით, შეხვედრაზე განხილული იქნება უკრაინისთვის საჭირო იარაღი და მისი მიწოდების ტემპი. ზელენსკიმ განმარტა, რომ ბაიდენის ვიზიტი უკრაინაში შედგება, მაგრამ ესმის, რომ მისი ამერიკელი კოლეგის გადაწყვეტილება დამოკიდებულია ქვეყანაში არსებულ ვითარებაზე.
კომენტარები
Loading ...
