მთავრობამ დღეს შრომის ბაზრის ანალიზის პრეზენტაცია გამართა, სადაც პრემიერმა ირაკლი კობახიძემ განაცხადა, რომ იმ ადამიანების რაოდენობა, რომელთაც უმაღლესი განათლება სჭირდებათ შრომის ბაზარზე შესასვლელად 64 095-ს შეადგენს, აქედან 42 316 კურსდამთავრებულის საჭიროება კერძო სექტორში, ხოლო 21 779-ის საჯარო სექტორშია.
ამასთანავე, ეკონომიკისა და მდგრადი განვითარების სამინისტრომ გამოაქვეყნა შრომითი ბაზრის კვლევა, სადაც უმაღლეს საგანმანათლებლო დაწესებულებებში ჩარიცხულთა და კურსდამთავრებულთა რაოდენობა შედარებულია ამა თუ იმ დარგში არსებულ მოთხოვნაზე.
ამ კვლევის მიხედვით, კადრების დეფიციტი ყველაზე მეტად შეინიშნება შემდეგ პროფესიებში: პედაგოგიკა, საექთნო და სამეანო საქმე და სხვა.
უფრო კონკრეტულად, ბაზარზე არსებულ მოთხოვნასა და უნივერსიტეტებში ჩარიცხულთა რაოდენობას შორის ყველაზე დიდი სხვაობა გამოიკვეთა შემდეგ 13 პროფესიაში:
- პედაგოგიკა – 1 340
- საექთნო და სამეანო საქმე – 937
- მშენებლობა – 207
- სოციალური მუშაობა – 148
- ქიმიური ტექნოლოგია და მეტალურგია – 125
- ენერგეტიკა – 90
- ტრანსპორტი – 57
- სპორტი – 40
- ნიადაგის და წყლის რესურსების ინჟინერია – 35
- აგროინჟინერია – 22
- ფიზიკა – 17
- ქიმია – 11
- მეცხოველეობა – 10
ამასთანავე, მოთხოვნასა და კურსდამთავრებულთა რაოდენობას შორის ყველაზე დიდი სხვაობა შემდეგ 23 მიმართულებაზეა:
- პედაგოგიკა – 1 815
- საექთნო და სამეანო საქმე – 977
- ტექნოლოგიების ფაკულტეტი – 626
- ჰუმანიტარულ მეცნიერებათა ფაკულტეტი – 472
- მშენებლობა – 437
- სპორტი – 171
- სამედიცინო ფაკულტეტი – 221
- სოციალური მუშაობა – 157
- ქიმიური ტექნოლოგია და მეტალურგია – 152
- ენერგეტიკა – 126
- ტრანსპორტი – 99
- აგრარული ფაკულტეტი – 82
- საინფორმაციო ტექნოლოგიები – 67
- ნიადაგის და წყლის რესურსების ინჟინერია – 53
- სატყეო საქმე – 47
- ფიზიკა – 36
- აგრარული ტექნოლოგიები – 27
- აგროინჟინერია – 24
- ვეტერინარია – 23
- მეცხოველეობა – 21
- ელექტროინჟინერია – 12
- ქიმია – 10
- სახელოვნებო და სპორტის აკადემიები – 1
ცნობისთვის, კვლევისას შეირჩა 12 500 საწარმო სრული, აქედან მსხვილ საწარმოთა რაოდენობა 470-ს შეადგენდა, საშუალოს – 1 752 ერთეულს, ხოლო მცირე ზომის საწარმოთა რაოდენობა 10 278 იყო.
დოკუმენტის თანახმად, კვლევის საველე სამუშაოები (153 ინტერვიუერით), შედეგების ელექტრონული ბაზის შექმნა, მონაცემთა ბაზის გაწმენდა, მონაცემების შეწონვა და კვლევის შედეგების განზოგადება განახორციელა სტატისტიკის ეროვნულმა ცენტრმა. კვლევის შედეგების ანალიზი განახორციელა საქართველოს ეკონომიკისა და მდგრადი განვითარების სამინისტრომ.
შედეგების ცდომილება: ქვეყნის დონეზე ≤ 0.49%-ზე; სექციის დონეზე ≤ 1.54%-ზე.
www.bpn.ge
Loading ...