23 მუნიციპალიტეტში სტიქიის შედეგების სალიკვიდაციოდ ბიუჯეტიდან გამოყოფილი თანხა გაიზარდა – რამდენს მიიღებენ გურიის მუნიციპალიტეტები

მთავრობამ 2026 წლის ბიუჯეტიდან სტიქიის შედეგების ლიკვიდაციისთვის გამოსაყოფი თანხის მოცულობა 4 975 000 ლარით 38 966 650 ლარამდე, მუნიციპალიტეტების ჩამონათვალი კი 23-მდე გაიზარდა. ამის შესახებ პრემიერ მინისტრის, ირაკლი კობახიძის ხელმოწერილი 619-ე განკარგულებიდან ირკვევა.

27 მარტით დათარიღებული დოკუმენტით ცვლილება 29 იანვრის 222-ე განკარგულებაში შევიდა, რომლის დამტკიცების შემდეგ, 4 დღეში ბიუჯეტი და მუნიციპალიტეტების ჩამონათვალი გადაიხედა. დოკუმენტში აღნიშნული არ არის კონკრეტულად რომელი სტიქიის შედეგების ლიკვიდაციას მოხმარდება ფინანსური რესურსი.

ახალი განკარგულების მიხედვით, 38.9 მლნ ლარი 23 მუნიციპალიტეტზე გადანაწილდება და ყველაზე მეტ თანხას ამ დროისთვის ლანჩხუთის მუნიციპალიტეტი მიიღებს. მუნიციპალიტეტების ჩამონათვალი ასეთია:

ა) ბაღდათის მუნიციპალიტეტი – ₾2.4 მლნ;

ბ) სამტრედიის მუნიციპალიტეტი – ₾125 ათასი;

გ) ლანჩხუთის მუნიციპალიტეტი – ₾7.9 მლნ;

დ) ოზურგეთის მუნიციპალიტეტი – ₾6.8 მლნ;

ე) ლაგოდეხის მუნიციპალიტეტი – ₾4 მლნ;

ვ) ცაგერის მუნიციპალიტეტი – ₾2 მლნ;

ზ) ზუგდიდის მუნიციპალიტეტი – ₾2 მლნ;

თ) ქუთაისის მუნიციპალიტეტი – ₾1.3 მლნ;

ი) საჩხერის მუნიციპალიტეტი – ₾2.7 მლნ;

კ) ამბროლაურის მუნიციპალიტეტი – ₾500 ათასი;

ლ) ხაშურის მუნიციპალიტეტი – ₾270 ათასი;

მ) ჭიათურის მუნიციპალიტეტი – ₾452 ათასი;

ნ) ზესტაფონის მუნიციპალიტეტი – ₾415 ათასი;

ო) ახალციხის მუნიციპალიტეტი – ₾230 ათასი;

პ) ლენტეხის მუნიციპალიტეტი – ₾950 ათასი;

ჟ) ხარაგაულის მუნიციპალიტეტი – ₾515 ათასი;

რ) ყვარლის მუნიციპალიტეტი – ₾2.1 მლნ;

ს) ჩოხატაურის მუნიციპალიტეტი – ₾500 ათასი;

ტ) მესტიის მუნიციპალიტეტი – ₾305 ათასი;

უ) მარტვილის მუნიციპალიტეტი – ₾259 ათასი;

ფ) სენაკის მუნიციპალიტეტი – ₾1.4 მლნ;

ქ) მცხეთის მუნიციპალიტეტი – $1.2 მლნ;

ღ) დუშეთის მუნიციპალიტეტი – $435 ათასი;

 

ამასთან, 29 იანვრის განკარგულების მიხედვით, სტიქიების შედეგების ლიკვიდაციისთვის გამოყოფილი თანხებიდან, მორჩენილი ეკონომია სხვა სტიქიური მოვლენების შედეგების სალიკვიდაციო სამუშაოებზე უნდა დახარჯონ.

www.bm.ge