საქართველოს მაღალმთიან რეგიონებში „მთის დღეები 2023“ გაიმართება. მთის დღეები 15 დან 22 ივლისის ჩათვლით ჩატარდება. წელს აღნიშნული ღონისძიებების ციკლს პირველად უერთდება გურია. მთის დღეები ბახმაროში 22 ივლისს გაიმართება.
მაღალმთიან რეგიონებში მთის დღეები 15 ივლისიდან დაიწყება. საფესტივალო ტერიტორიაზე მისული სტუმრები სხვადასხვა აქტივობაში მიიღებენ მონაწილეობას, გამოფენილი იქნება ადგილობრივი მეწარმეების გამოფენა-გაყიდვა, ეთნოგრაფიული შემეცნებითი კუთხე. სტუმრები დაესწრებიან ქსოვისა და რეწვის გაკვეთილებს.
მთის ხალხის ყოველდღიურობა და ტრადიციები, განსაკუთრებული სტუმარ-მასპინძლობა, სამზარეულო, ლეგენდები, ცეკვა და სიმღერა, ეს ის არასრული ჩამონათვალია, რასაც ორგანიზატორები ფესტივალის სტუმრებს შესთავაზებენ.
„საქართველოს მთავრობის ადმინისტრაციის ორგანიზებით „მთის დღეები“ წელს მეორედ გაიმართება. მთის დღეებს წელს პირველად შეუერთდა გურიის რეგიონი. 22 ივლისს აღნიშნული ღონისძიება ბახმაროში ჩატარდება.
Loading ...