2024 წელს გურიის რომელ სოფლებში ჩატარდება მიწის საკადასტრო აგეგმვითი/აზომვითი სამუშაოები

2022 – 2024 წლების განმავლობაში მიწის საკადასტრო აგეგმვითი/აზომვითი სამუშაოები ეტაპობრივად განხორციელდება მთელი ქვეყნის მასშტაბით (ოკუპირებული ტერიტორიებისა და თვითმმართველი ქალაქების გარდა).

გურიის მუნიციპალიტეტების ადმინისტრაციულ ერთეულებში საკადასტრო აგეგმვითი/აზომვითი სამუშაოები 2024 წელს დაიწყო და გარკვეულ სოფლებში უკვე ჩატარდა, რაც შეეხება იმ სოფლებს, სადაც აღნიშNული სამუშაოები ჯერ არ ჩატარებულა, აქ ვადა შემდეგნაირად განისაზღვრა:

ლანჩხუთი:

2024 წელი – ჩოჩხათი – თებერვალი; ნინოშვილი – თებერვალი; ჯურუყვეთი – თებერვალი; ლესა – თებერვალი; ნიგოითი – თებერვალი; აკეთი – თებერვალი; აცანა – სექტემბერი;
სუფსა – სექტემბერი; ნიგვზიანი – სექტემბერი; გვიმბალაური – სექტემბერი; ლანჩხუთი – სექტემბერი.

ოზურგეთი: 

2024 წელი – კონჭკათი – თებერვალი; თხინვალი – თებერვალი; ბაილეთი – თებერვალი; ჯუმათი – თებერვალი; ნატანები – თებერვალი; შრომა – თებერვალი; მერია – თებერვალი;
ქალაქი ოზურგეთი – მაისი; დაბა ლაითური – მაისი; გურიანთა – აგვისტო; დაბა გომისმთა – აგვისტო; შემოქმედი – აგვისტო; ცხემლისხიდი – სექტემბერი; ვაკიჯვარი – სექტემბერი;
ასკანა – სექტემბერი; ბახვი – სექტემბერი; მთისპირი – სექტემბერი; დაბა ნარუჯა – სექტემბერი; დაბა ნასაკირალი – სექტემბერი; დაბა ურეკი – სექტემბერი; სილაური – სექტემბერი.

ჩოხატაური:

2024 წელი – ამაღლება – თებერვალი; ზომლეთი – თებერვალი; ქვენობანი – თებერვალი; ხიდისთავი – თებერვალი; ჯვარცხმა – თებერვალი; გორაბერეჟოული – თებერვალი;
ერკეთი – მაისი; ბუკისციხე – მაისი; ზემოხეთი – მაისი; დიდივანი – მაისი; შუა სურები – მაისი; ზემოსურები – აგვისტო; ხევი – აგვისტო; ნაბეღლავი – აგვისტო;

დაბა ბახმარო – აგვისტო.

კონკრეტულ ადმინისტრაციულ ერთეულებში საკადასტრო აგეგმვითი/აზომვითი სამუშაოების დაწყების განრიგის გაცნობა შესაძლებელია შემდეგ ბმულზე:

საკადასტრო სამუშაოების დაწყების თანმიმდევრობა განისაზღვრა შემდეგი კრიტერიუმების მიხედვით:

• რეგისტრირებული ფართობის სიმცირე;
• დასარეგისტრირებელი ნაკვეთების რაოდენობა;
• მოსახლეობის რაოდენობა;
• გეოგრაფიული მდებარეობა;
• კლიმატური პირობები;

საჯარო რეესტრის ეროვნული სააგენტო 2024 წლის ბოლომდე სისტემურ რეგისტრაციას ყველა მუნიციპალიტეტის ტერიტორიაზე უზრუნველყოფს.

სისტემური რეგისტრაციის ფარგლებში მოქალაქეები საფასურის გადახდის გარეშე მიიღებენ შემდეგ მომსახურებებს:

• მიწის ნაკვეთების საკადასტრო აგეგმვითი/აზომვითი სამუშაოები;
• უფლების დამადასტურებელი დოკუმენტაციის მოძიება და სისტემატიზაცია;
• გარიგებაზე მხარეთა ხელმოწერების დამოწმება;
• სანოტარო მედიაცია;
• მიწის ნაკვეთზე საკუთრების უფლების აღიარება;
• ფაქტების კონსტატაცია;
• მიწის ნაკვეთის ადგილმდებარეობის, უფლების დამადასტურებელ დოკუმენტთან იდენტურობის დადგენა;
• მიწის ნაკვეთზე საკუთრების უფლების და მასში ცვლილების რეგისტრაცია.