გაჩნდება თუ არა საქარათველოში მედიკამენტების შავი ბაზარი? – ხელისუფლებამ წამლებზე ზღვრული ფასების დაწესების გადაწყვეტილება მიიღო. ღარიბაშვილის ინიციატივით ახალი წლიდან აფთიაქებში მედიკამენტები იმაზე ძვირად ვეღარ გაიყიდება, ვიდრე ამას მთავრობა არ დადაგენს.
აღნიშნული გადაწყვეტილება შოკისმომგვრელი აღმოჩნდა ფარმაცვეტული კომპანიებისთვის. ვარაუდობენ, რომ შესაძლოა, მაღალი სანდოობის საერთაშორისო ბრენდებმა საქართველოს ბაზრის მიმართ ინტერესი დაკარგონ და მედიკამენტების ნაწილი აფთიაქებიდან უბრალოდ გაქრეს.
წამლების დეფიციტის გარდა, არსებობს რისკიც, რომ ბაზარზე მხოლოდ უხარისხო წამლები დარჩეს.
დარგის ექსპერტები ახლა მთავრობას მოუწოდებენ, გადაწყვეტილებას გადახედოს.
სადაც გააკეთეს, ეს არის ყაზახეთი, უზბეკეთი, მოლდოვა, აზერბაიჯანი, რუსეთი, ყველგან ასეთი პროექტი ჩაიშალა და პრაქტიკულად, მიიღეს ის, რომ ხარისხიანი მედიკამენტი, პრაქტიკულად, გაქრა ბაზრიდან. იგივე საშიშროების წინ ვდგავართ ჩვენ. როდესაც კომპანიას უჯდება შემოტანა 2 ლარი და შენ ეუბნები, რომ 1.5 ლარად შემომიტანე, ორი გამოსავალია: ან უნდა გაკოტრდეს ან არარ უნდა შემოიტანოს ის მედიკამენტი, – ამბობს სამედიცინო ექსპერტი ვატო სურგულაძე.
პრემიერის გადაწყვეტილება ძალაში 2023 წელს შევა.
Loading ...