საქსტატის მონაცემებით, 2023 წლის პირველ 6 თვეში საქართველოში 10 366 ქორწინება და 6 828 განქორწინება დარეგისტრირდა.
გასული წლის ანალოგიურ პერიოდთან შედარებით ქორწინება თითქმის 9%-ითაა შემცირებული, განქორწინების შემთხვევები კი 3%-ით გაიზარდა.
რაც შეეხება სხვა ძირითად დემოგრაფიულ მაჩვენებლებს, საქსტატის მონაცემებით, 2023 წლის იანვარ-ივნისში 21 944 ადამიანი გარდაიცვალა, რაც გასული წლის ანალოგიურ პერიოდზე 17.7%-ით ნაკლებია (26 681).
ამავე პერიოდში, ცოცხლად დაბადებულთა რიცხვი, 2022 წლის პირველ ნახევართან შედარებით, უმნიშვნელოდ – 764 ადამიანით შემცირდა და 19 431 ბავშვი შეადგინა. შესაბამისად, უარყოფითია ბუნებრივი მატების მაჩვენებელი, ანუ სხვაობა ცოცხლად დაბადებულთა და გარდაცვლილთა რაოდენობას შორის. წინა წლის ანალოგიურ პერიოდთან შედარებით აღნიშნული მაჩვენებელი გაუმჯობესდა და -2 513 ადამიანი შეადგინა.
რეგიონებიდან ბუნებრივი მატების დადებითი მაჩვენებელი დაფიქსირდა აჭარაში (870), თბილისსა (340) და ქართლში (145). შედარებისთვის, გასული წლის პირველ ნახევარში დადებითი მაჩვენებელი ფიქსირდებოდა მხოლოდ აჭარაში (480).
სხვა რეგიონების მაჩვენებლები შემდეგნაირად გადანაწილდა:
- იმერეთი: -1 287
- სამეგრელო-ზემო სვანეთი: -766
- კახეთი: -603
- შიდა ქართლი: -301
- მცხეთა-მთიანეთი: -227
- სამცხე-ჯავახეთი: -218
- რაჭა-ლეჩხუმი და ქვემო სვანეთი: -145
Loading ...
