საქართველოს სტატისტიკის სამსახურის ინფორმაციით, 2022 წლის აგვისტოში, ივლისთან შედარებით, ინფლაცია 0.1%-ით გაიზარდა, ხოლო წლიური ინფლაციის დონემ 10.9% შეადგინა.
საქსტატის ინფორმაციით, გასული, 2021 წლის აგვისტოს თვესთან შედარებით 2022 წლის აგვისტოში ფასებმა მოიმატა შემდეგ ქვეჯგუფებში არსებულ პროდუქტებზე:
სურსათი და უალკოჰოლო სასმელები – ჯგუფში ფასები 15.8%-თაა გაზრდილი
- პური და პურპროდუქტები – ფასები 32.4%-ით გაიზარდა,
- რძე, ყველი და კვერცხი – ფასები 20.8%-ით გაიზარდა,
- მინერალური და წყაროს წყალი, უალკოჰოლო სასმელები და ნატურალური წვენები – ფასები 20.3%-ით გაიზარდა,
- ზეთი და ცხიმი – ფასები 19.8%-ით გაიზარდა,
- ყავა, ჩაი და კაკაო – ფასები 18.7%-ით გაიზარდა,
- შაქარი, ჯემი და სხვა ტკბილეული – ფასები 18.6%-ით გაიზარდა,
- თევზეული – ფასები 13.6%-ით გაიზარდა,
- ხილი და ყურძენი – ფასები 2.5%-ით გაიზარდა,
- ხორცი და ხორცის პროდუქტები – ფასები 11.1 %-ით გაიზარდა.
2021 წლის აგვისტოსთან შედარებით, ალკოჰოლური სასმელებისა და თამბაქოს ჯგუფში ფასები 8.5%-ით გაიზარდა. ტრანსპორტის კატეგორიაში ფასები 15.6%-ითაა გაზრდილი. 2022 წლის აგვისტოში პირადი სატრანსპორტო საშუალებების ექსპლუატაცია – 18.7%-ით, სატრანსპორტო მომსახურება – 14.5%-ით, ხოლო სატრანსპორტო საშუალებების შეძენა – 1.6%-ით ძვირი ღირდა.
ელექტროენერგიის, აირისა და სათბობის სხვა სახეების ფასები კი 2021 წლის აგვისტოსთან შედარებით 6%-ითაა გაძვირებული.
აგვისტოში სურსათისა და უალკოჰოლო სასმელების ჯგუფში შემავალი პროდუქტების ფასები, ივლისთან შედარებით 0/9%-ით გაიზარდა. მათ შორის ყველაზე მეტით, 7.3%-ით რძის, ყველისა და კვერცხის ფასმა მოიმარა. წინა თვესთან შედარებით 11.3%-ითაა შემცირებული ხილისა და ყურძნის, ხოლო 6.6%-ით ბოსტნეულისა და ბაღჩეულის ფასები.
Loading ...
