2017 წლის მოწვევის ოზურგეთის მუნიციპალიტეტის საკრებულომ ბოლო სხდომა ჩაატარა და საქმიანობა დაასრულა. საკრებულოს თავმჯდომარემ წარმომადგენლობითი ორგანოს განვლილი მუშაობა დადებითად შეაფასა და კოლეგებს მადლობა გადაუხადა. ბოლო სხდომაზე დეპუტატებმა ოთხი საკითხი განიხილეს, მათგან უმთავრესი 2021 წლის ბიუჯეტში დამატებებისა და ცვლილებების შეტანა იყო. არსებული ბიუჯეტი 2 მილიონ სამასი ათასი ლარით ივსება და ხსენებული თანხა ძირითადად ინფრასტუქტურულ სამუშაოებს მოხმარდება, როგორც სოფლის მხარდამჭერი პროგრამიდან, პროექტებს, ასევე რეგ ფონდიდან განსახორციელებელს. ასევე თანხები სპორტული მიმართულებითაც გაიწერება, როგორც რაგბის კავშირზე, ასევე სპორტულ- გამაჯანსაღებელი დაწესებულებისთვის. ნაწილი 2 მილიონ სამასი ათასი ლარიდან კი ელ. ენერგიის ხარჯების დაფარვას, რომელსაც მუნიციპალიტეტი მოიხმარს. დღესვე საკრებულომ ცნობად მიიღო გიორგი ღურჯუმელიძის, ვლადიმერ ჩავლეშვილისა და თამაზ ბურჭულაძისთვის დეპუტატის უფლებამოსილების ვადაზე ადრე შეწყვეტის შესახებ ინფორმაცია. უკვე 3 დეკემბერს ოზურგეთში 2021 წლის ახალი მოწვევის საკრებულო შეიკრიბება, რომელიც პირველ საკითხად სავარაუდოდ 2022 წლის ბიუჯეტს განიხილავს.
Loading ...