შეერთებული შტატების თავდაცვის მდივნის, ლოიდ ოსტინის თქმით, უკრაინასთან დაკავშირებით გამართულ შეხვედრაზე 20-მა ქვეყანამ უსაფრთხოების ახალი დახმარების პაკეტი გამოაცხადა.
ოსტინის ინფორმაციით, დანია დათანხმდა, უკრაინას მიაწოდოს Harpoon-ის გამშვები მოწყობილობა და რაკეტები, რათა “უკრაინას დაეხმაროს სანაპიროების დაცვაში”.
გარდა ამისა, ჩეხეთის რესპუბლიკა დათანხმდა, უკრაინას გაუგზავნოს დახმარება მათ შორის, შეტევითი შვეულმფრენების, ტანკებისა და სარაკეტო სისტემის სახით.
“სხვებმა აიღეს ახალი ვალდებულებები უკრაინის ძალების მომზადებისა და მისი სამხედრო სისტემების შესანარჩუნებლად”,- თქვა ოსტინმა.
საერთო ჯამში, გაერთიანებული შტაბის უფროსის, მარკ მილის ცნობით, შეხვედრაში 47 ქვეყნის წარმომადგენელი მონაწილეობდა.
თავდაცვის მდივანი, ლოიდ ოსტინი უკრაინის საკონტაქტო ჯგუფის მესამე შეხვედრას პირადად, 15 ივნისს ბრიუსელში უმასპინძლებს.
Loading ...