
თბილისში, მერაბ კოსტავას 22 ნომერთან, ავარიის შედეგად 2 ადამიანი დაშავდა.
ინფორმაციას მომხდარის შესახებ “რადიო თავისუფლება” ავრცელებს.
გამოცემა წერს, რომ თვითმხილველების ინფორმაციით, ქვეითი არასწორ ადგილას კვეთდა გზას, ხოლო მძღოლმა შეჯახების პრევენციის მიზნით ტროტუარის მხარეს გადაუხვია. როგორც თვითმხილველები ამბობენ, სავარაუდოდ, მიკროავტობუსი გვერდითა ნაწილით მაინც დაეჯახა ფეხით მოსიარულეს. როგორც სასწრაფოს ექიმები ამბობდნენ, ის, სავარაუდოდ, მენჯის მოტეხილობით გადაიყვანეს კლინიკაში.
მეორე დაშავებული ფეხით მოსიარულე ქალია, რომელიც ავარიის დროს ტროტუარზე გადაადგილდებოდა. თვითმხილველების თქმით, სავარაუდოდ, მას მანქანა არ დაეჯახა, თუმცა ფეხი მაინც დაიზიანა მკვეთრი მოძრაობის გაკეთებისას.
ავტოსაგზაო შემთხვევის ადგილიდან 20-30 მეტრშია შუქნიშანი და ზებრა გადასასვლელი.
კომენტარები