2 წლის ანიტას თბილისის მერია დაეხმარება

2 წლის ანიტა ფაცაციას, რომელსაც  უმძიმესი დაავადება  დაუდგინეს, თბილისის მერია დაეხმარება.

„სოციალური სამსახურის წარმომადგენლებს ოჯახთან ყოველდღიური კონტაქტი აქვთ. ერთადერთი, რასაც ველოდებით, არის საბუთების გადმოგზავნა. მათ ჯერ არ აქვთ კლინიკებიდან კალკულაცია და ზუსტად გადაწყვეტილი არ აქვთ, თუ რომელ კლინიკას მიმართავენ და რა თანხებთან იქნება ეს დაკავშირებული. საბუთების გადმოგზავნისთანავე, მერია მზადაა მათ დასახმარებლად“, – განაცხადეს  უწყებაში.

ცნობისთვის, ორი წლის ანიტა ფაცაციას უმძიმესი დაავადება – „დილატაციური კარდიომიოპათია“ დაუდგინდა. მას სასწრაფო ოპერაცია ესაჭიროება.

espersona.ge