შვედური ავეჯის კომპანია “იკეა” 46 მილიონი დოლარის კომპენსაციას გადაუხდის დაღუპული 2 წლის ბავშვის ოჯახს. ბავშვი გარდაცვალების მიზეზი გახდა 32 კილოგრამიანი კომოდი, რომელიც წაიქცა და პატარა ბავშვს დაეცა. კომპანიას არ გაუფრთხილებია დაღუპული ბავშვის მშობლები, რომ საჭირო იყო კომოდის კედელზე მიმაგრება.
კომპენსაციის გადახდის გადაწყვეტილება მიღებული იქნა კონცერნსა და გარდაცვლილის ოჯახს შორის ხანგრძლივი სასამართლო დავის შემდეგ. უბედური შემთხვევა 2017 წელს კალიფორნიაში (აშშ), ქალაქ ბუენა პარკში მოხდა. გარდა კომპენსაციისა სასამართლომ დაავალა კონცერნს მოახდინოს მოსახლეობის ინფორმირება იმასთან დაკავშირებით, რომ შესაძლებელია კომოდები წაიქცეს და აუცილებელია მისი კედელზე მიმაგრება. ასევე “იკეას” დაევალა მოცემული სერიის აშშ-ში გაყიდული კომოდების უკან გამოწვევა.
როგორც ირკვევა კომპანიამ მარტო აშშ-ში 2016 წლიდან მსგავსი კომოდების 17 მილიონამდე ერთეული გაყიდა. კომპანიას ქონდა ინფორმაცია კომოდების წაქცევის 186 შემთხვევის შესახებ, მათგან 91 -ში ინციდენტის შედეგად დაშავდნენ ბავშვები. რაც შეეხება სხვა ქვეყნებს “იკეას” კომოდები Malme დღესაც იყიდება.
www.dw.com
Loading ...