ფილმი გადაღებულია 1985 წელს, მელექედურის კოლმეურნეობის დაკვეთით. რეჟისორი გურამ ტუღუში.
ფილმი აღადგინა და საკუთარ ფეისბუქ და იუთუბ გვერდებზე გამოაქვეყნა ილია თავბერიძემ.
“მელექედური ერთი ჩვეულებრივი სოფელია გურიაში, ოზურგეთის რაიონში, რომელსაც აქვს მისი ხიბლი და ეს ხიბლი აქ მცხოვრები ადამიანები არიან. 1985 წელს, მელექედურის კოლმეურნეობის დაკვეთით, სოფელზე დოკუმენტური ფილმი გადაუღია გურამ ტუღუშს. ძველი ფირი, რომლის წამკითხველი აპარატურა ერთ-ორი თუა შემორჩენილი, წლების წინ გადმომცა ლენა ქადეიშვილმა საკმაოდ დაზიანებული იყო. გამოსახულების ციფრული ვერსია კი გავაკეთეთ, მაგრამ მის გაწმენდას დრო დასჭირდა და მივიღეთ ის, რაც ამ ვიდეოში შეგიძლიათ ნახოთ. ხმას ვერაფერი მოვუხერხეთ, მისი აღდგენა ფატქობრივად შეუძლებელი აღმოჩნდა. ცუდი სმენადობის მიუხედავად მუსიკალური მასალა გავარჩიეთ და ანალოგიური, არქივებში მოვიძიეთ. ასე,რომ ფილმი თავიდან გახმოვანდა. ამ ფილმში გადაღებული უამრავი ადამიანი დღეს ცოცხალი აღარაა, მათი ხილვა გაახარებს მათი ოჯახის წევრებს. ისტორიას ხშირად ასე შემთხვევით გადარჩენილი მასალები გვინახავენ!” – ილია თავბერიძე.