აშშ-ში, New Orleans-ში მცხოვრებმა წყვილმა საკუთარი ეზოს დასუფთავების დროს მოულოდნელი აღმოჩენა გააკეთა — მიწაში ჩაფლული ქვა თითქმის 1900 წლის რომაული საფლავის ქვა აღმოჩნდა.
არქეოლოგების ინფორმაციით, მარმარილოს ფილაზე ლათინური წარწერაა ამოტვიფრული და ის რომაელ მეზღვაურს, სექსტუს კონგენიუს ვერუსს ეკუთვნოდა. სპეციალისტებმა დაადგინეს, რომ არტეფაქტი თავდაპირველად იტალიის ქალაქ ჩივიტავეკიას მუზეუმში ინახებოდა, თუმცა მეორე მსოფლიო ომის პერიოდში დაიკარგა.
გამოძიებაში Federal Bureau of Investigation-იც ჩაერთო. მოგვიანებით გაირკვა, რომ არტეფაქტი, სავარაუდოდ, ამერიკელმა ჯარისკაცმა იტალიიდან მეორე მსოფლიო ომის დროს წამოიღო და წლების განმავლობაში ერთ-ერთი სახლის ეზოში დეკორაციად გამოიყენებოდა.
FBI-ისა და იტალიის კულტურის სამინისტროს თანამშრომლობის შედეგად, უნიკალური რომაული საფლავის ქვა უკვე იტალიაში დააბრუნეს.
წყარო: www.theguardian.com
Loading ...