”9 დეკემბერს, 18:00 საათზე გურულები ევროპის მოედნიდან მარშით დავიძრებით პარლამენტის შენობისკენ და შევუერთებთ ჩვენს ხმას საერთო სახალხო მოთხოვნებს: სამართლიან არჩევნებსა და რეჟიმის ტყვეების გათავისუფლებას!
დემოკრატიული, თანასწორი და ევროპული საქართველოს მშენებლობაში გურიის და გურულების ისტორიული როლი ყველასთვის ცნობილია.
ჩვენ,
ექვთიმე თაყაიშვილის,
ნოე ჟორდანიას,
ნოე რამიშვილის,
ეგნატე ნინოშვილის,
ბენია ჩხიკვიშვილის,
სისონა დარჩიას,
დები ზაქარეიშვილების,
ფრიდა მგალობლიშვილის,
გურული ფირალების
ექვთიმე თაყაიშვილის,
ნოე ჟორდანიას,
ნოე რამიშვილის,
ეგნატე ნინოშვილის,
ბენია ჩხიკვიშვილის,
სისონა დარჩიას,
დები ზაქარეიშვილების,
ფრიდა მგალობლიშვილის,
გურული ფირალების
და სხვა უამრავი მამაცი ქართველის შთამომავლები არასდროს შევუშინებივართ ტერორსა და ძალადობას. მეტიც, ისტორიულად, რაც უფრო იზრდებოდა წნეხი, მით უფრო იზრდებოდა წინააღმდეგობა.
რუსულმა მმართველობამ, მძიმე პოლიციურმა რეჟიმმა, უკიდურესმა სიღარიბემ, არასახალხო პოლიტიკამ და ჩაგვრამ 1905 წელს გურიის რესპუბლიკას ჩაუყარა საფუძველი, რომელიც ერთ-ერთი პირველი დემოკრატიული და თანასწორი მოწყობა იყო ევროპაში. აქ ხმას აძლევდა ყველა, სასამართლო იყო სამართლიანი, განათლება – ხელმისაწვდომი!
გურულებმა უმნიშვნელოვანესი როლი ითამაშეს საქართველოს პირველი რესპუბლიკის შენებაშიც.
ამ ისტორიული მემკვიდრეობის მქონე ხალხი არასდროს შევეგუებით რუსეთს საქართველოში, პოლიციურ და ძალადობრივ რეჟიმს, რომელსაც ჩვენი კიდევ უფრო გაღარიბება, დამონება და წინააღმდეგობის იდეის სამუდამოდ მოკვლა უნდა.
როგორც ყველაფერში, აქაც სწრაფები აღმოვჩნდით და უკვე 119 წელია ევროპაში გელოდებით, ჩამოით აწი” – ნათქვამია ინიციატორების მიერ გავრცელებულ განცხადებაში
კომენტარები
Loading ...