უზბეკეთის ხელისუფლებამ განაცხადა, რომ 18 ბავშვი გარდაიცვალა ინდური ფარმაცევტული კომპანიის მიერ გაციებისა და გრიპის სიმპტომების შესამსუბუქებლად წარმოებული სამკურნალო სიროფის მიღების შედეგად.
სულ Doc-1 Max-ის მიღების 21 შემთხვევაა აღრიცხული. უზბეკეთის ომბუდსმენის პრესსამსახურის ცნობით, 18-ვე გარდაცვლილი 6 წლამდე ასაკისა იყო, მათგან 15 – 3 წლამდე ასაკის.
გამოჯანმრთელებული სამი ბავშვი საავადმყოფოდან გაწერეს.
სიროფის იმპორტირება უზბეკეთში კომპანია Quramax Medical LLC-მა განახორციელა, ნათქვამია ჯანდაცვის სამინისტროს განცხადებაში, რომელიც 27 დეკემბერს გამოქვეყნდა და რომელიც მოჰყავს Reuters-ს.
სიროფის ეს პარტია შეიცავდა ეთილენგლიკოლს, რომელიც, ჯანდაცვის სამინისტროს თანახმად, მომწამვლელი ნივთიერებაა.
კომენტარები
Loading ...