გორის რაიონულმა სასამართლომ ოჯახში ძალადობასა და დამამძიმებელ გარემოებებში მკვლელობის მცდელობაში ბრალდებული დამნაშავედ ცნო. მას 17 წლით თავისუფლების აღკვეთა განესაზღვრა.
“მტკიცებულებებით დადასტურდა, რომ 2025 წლის 18 ივნისს, გორში, ბრალდებულმა საფანტის პისტოლეტით და დანით, სხეულის სხვადასხვა არეში ჭრილობები მიაყენა მეუღლეს, რომელიც დროულად გაწეული სამედიცინო დახმარების შედეგად სიკვდილს გადაურჩა.
ბრალდებულს ბრალდება საქართველოს სისხლის სამართლის კოდექსის 126 პრიმა მუხლის პირველი ნაწილით (ოჯახში ძალადობა) და 11პრიმა-19-109-ე მუხლის „თ“ და „კ“ ქვეპუნქტებით (განზრახ მკვლელობის მცდელობა დამამძიმებელ გარემოებაში, ჩადენილი ქალისა და მამაკაცის თანასწორობის შეუწყნარებლობის გამო, ოჯახის წევრის მიმართ) წარედგინა” – აცხადებს პროკურატურა.
კომენტარები
Loading ...