17 წლის ქართველმა მოჭიდავემ ევროპის ჩემპიონატზე ბრინჯაოს მედალი მოიპოვა

სლოვაკეთის დედაქალაქ ბრატისლავაში მიმდინარე ევროპის ჩემპიონატზე ბერძნულ-რომაული ჭიდაობაში, 17 წლის ვახტანგ ლოლუამ (55 კგ.) ბრინჯაოს მედალი მოიპოვა.

ქართველმა მედლისთვის გადამწყვეტ შეხვედრაში  სომეხი მანველ ხაჩატრიანი 8-1 დაამარცხა და ბერძნულ-რომაული ჭიდაობაში მიმდინარე ევროპირველობაზე საქართველოს პირველი მედალი მოუტანა.

17 წლის ლოლუამ პირველად იასპარეზა უფროსებს შორის ევროპირველობაზე და გამოცდილ მოჭიდავეებს შორის შეძლო საპრიზო ადგილზე გასვლა.

ბრინჯაოს მედალი მოიპოვა ასევე გელა ბოლქვაძემ (82 კგ) – ქართველმა მესამე ადგილისთვის დაპირისპირებაში სომეხი სამველ გრიგორიანი 3:1 დაამარცხა.

ტურნირზე დღეს ბრინჯაოს მედლის მფლობელი გახდა ჯონი ხეცურიანიც (67კგ).

ფოტო: ჭიდაობის საერთაშორისო ფედერაცია