„ვიზალიბერალიზაციის შეჩერების შემდეგ უფრო მეტი ადამიანი დატოვებს ქვეყანას სამუდამოდ,“ – ამის შესახებ რადიო „პალიტრასა“ და „პალიტრანიუსის“ გადაცემაში „საქმე“ საქართველოს ყოფილმა ელჩმა გერმანიაში ელგუჯა ხოკრიშვილმა განაცხადა და პრემიერ-მინისტრის ირაკლი კობახიძის განცხადებას გამოეხმაურა.
ცნობისთვის, ირაკლი კობახიძემ გუშინ „ღამის კურიერში“ განაცხადა, რომ ვიზალიბერალიზაციის არარსებობის პირობებში ბევრად მეტი საქართველოს მოქალაქე დარჩებოდა ქვეყანაში.
„ერთი მინუსი, რაც ვიზალიბერალიზაციას აქვს, ეს არის მიგრაციის წახალისება – ვიზალიბერალიზაციის არ არსებობის პირობებში, ბევრად მეტი ჩვენი მოქალაქე დარჩებოდა ქვეყანაში, შესაბამისად, სამუშაო ძალა გაიზრდებოდა და ეს პირდაპირ აისახებოდა ეკონომიკური ზრდის ტემპის დამატებით გაუმჯობესებაზე,“ – განაცხადა კობახიძემ.
ელგუჯა ხოკრიშვილის შეფასებით, კობახიძის ნათქვამი აბსურდი და საკუთარი მოქალაქეების მიმართ უპატივცემულობის გამოხატულებაა.
ელგუჯა ხოკრიშვილის თქმით, ვიზალიბერალიზაციის შეწყვეტა ქვეყნისთვის კატასტროფა იქნება როგორც პოლიტიკურად, ისე ეკონომიკურად და სოციალურად.
Loading ...