საქართველოს ეროვნული ბანკის მონაცემებით, 2026 წლის მარტში ქვეყანაში შემოსული ფულადი გზავნილების ნაკადების მოცულობამ 320.6 მილიონი აშშ დოლარი (871.6 მილიონი ლარი) შეადგინა, რაც 9.8%-ით (28.7 მილიონი აშშ დოლარი) მეტია 2025 წლის მარტის ანალოგიურ მაჩვენებელზე.
ყველაზე მეტი (ჯამური ჩარიცხვების 19.03%) ფულადი გზავნილი ამერიკის შეერთებული შტატებიდან შემოვიდა – 61 მილიონი დოლარი, რაც 10.89%-ით მეტია 2025 წლის მარტთან შედარებით. მეორე ადგილზეა იტალია (17.25%), საიდანაც გასულ თვეში 55.29 მილიონი დოლარი გადმოირიცხა – ეს წინა წელთან შედარებით 9.58%-იანი მატებაა.
მესამე ადგილზეა რუსეთი (11.91%) 38.3 მილიონი აშშ დოლარით, რაც 2025 წლის მარტთან შედარებით 0.93%-იანი მატებაა.
ქვეყნები, საიდანაც გასულ თვეს საქართველოში ყველაზე მეტი თანხა გადმოირიცხა:
- აშშ – $61 მილიონი.
- იტალია – $55.29 მილიონი.
- რუსეთის ფედერაცია – $38.3 მილიონი.
- გერმანია – $28.33 მილიონი.
- საბერძნეთი – $26.89 მილიონი.
- ისრაელი – $26.88 მილიონი.
- თურქეთი – $11.55 მილიონი.
- ესპანეთი – $8.75 მილიონი.
- საფრანგეთი – $6.58 მილიონი.
- ყაზახეთი – $6.44 მილიონი.
- ირლანდია – $5.30 მილიონი.
- გაერთიანებული სამეფო – $4.79 მილიონი.
- ყირგიზეთი – $3.97 მილიონი.
- აზერბაიჯანი – $3.54 მილიონი.
- პოლონეთი – $3.24 მილიონი
სებ-ის ცნობითვე, 2026 წლის მარტში საქართველოდან საზღვარგარეთ 36.7 მილიონი აშშ დოლარი (99.9 მილიონი ლარი) გადაიგზავნა, რაც წინა წლის ანალოგიურ მაჩვენებელთან შედარებით 14.5%-ით მეტია.
Loading ...