“14 სული დარჩა ხანძრის შედეგად უსახლკაროდ, სამივე ოჯახი ტარიელაძეა… ახლა ვმუშაობთ ამ ადამიანების უსაფრთხო ადგილას გადაყვანაზე,” – უთხრა “ბათუმელებს” ომარ ტაკიძემ, ის შუახევის მერის მოვალეობის შემსრულებელია.
ხანძარი 5 აპრილს ღამით ხის სახლს გაუჩნდა შუახევის სოფელ ბარათაულში. ხანძრის შედეგად სამი სახლი და დამხმარე ნაგებობები, ასევე 16 სული პირუტყვი დაიწვა.
შუახევის მერის მოვალეობის შემსრულებლის თქმით, ხანძრის შედეგად არავინ დაშავებულა.
ომარ ტაკიძის ინფორმაციით, სახანძრო ბრიგადა ადგილზე დროულად მივიდა იმის გათვალისწინებით, თუ რა მანძილია სოფელ ბარათაულსა და შუახევის ცენტრს შორის. მეხანძრეებმა ადგილზე მხოლოდ ხანძრის ლოკალიზება შეძლეს.
წყარო: “ბათუმელები” – batumelebi.netgazeti.ge
კომენტარები
Loading ...