ესპანეთის კრივის ფედერაციის პრეზიდენტმა, 13 წლის ოზურგეთელ მოკრივე ბიჭუნას ფენომენი უწოდა. ეს 13 წლის დემეტრე გორგოშიძის ისტორიაა, რომელიც ოთხი წლის წინ დაიწყო.
დემეტრეს ხუთსულიანი ოჯახი ემიგრაციაში სწორედ ოთხი წლის წინ წავიდა. მამა მიხეილ გორგოშიძე კრივის მასწავლებელია და 6 წლიდან წვიმაში, თოვლში, სიცხეში თუ ქარიან ამინდში ავარჯიშებს დემეტრეს. პატარა ”ფენომენი” რინგზე ხუთი წლიდან ვარჯიშობს, მას ესპანეთის ფედერაციაში დიდ სპორტულ მომავალს უწინასწარმეტყველებენ.
ესპანეთის კრივის ფედერაციამ მამის მიერ გამოქვეყნებული ვიდეოები ინტერნეტში შემთხვევით ნახა და ასე მოხვდა დემეტრე ფედერაციაში, ის ლა რიოხას ნაკრებში ვარჯიშობს და პირველი ქართველია, ვინც 13 წლის ასაკში ლიცენზია მოიპოვა.
ახლახან კი დემეტრე გორგოშიძემ კრივში საკმაოდ მნიშვნელოვანი წარმატება მოიპოვა. ქალაქ პალენციაში ოზურგეთელი ბიჭუნა სასკოლო ასაკობრივ ჩემპიონატზე გამოვიდა. საკმაოდ საინტერესო და დაძაბულ ორთაბრძოლაში მან სრულ წარმატებას მიაღწია და 76 კგ წონით კატეგორიაში ესპანეთის ჩემპიონი გახდა.
კომენტარები
Loading ...