„უკრაინელი სამხედროები ზმეინის კუნძულიდან ცოცხლები არიან, თუმცა რუსეთის ტყვეობაში იმყოფებიან“, – ამის შესახებ ინფორმაციას უკრაინის სამხედრო-საზღვაო ძალები ავრცელებს.
„სამხედრო პირები ტყვედ არიან ჩავარდნილი, თუმცა ცოცხლები და ჯანმრთელები არიან. მოუთმენლად ველით ჩვენი ძმების გათავისუფლებას. რუსეთისგან მოვითხოვთ უკრაინის მოქალაქეების დაუყოვნებლივ გათავისუფლებას. მივმართავთ მსოფლიო თანამეგობრობას, ყველა ეკლესიის მორწმუნეებს თხოვნით მიიღონ ყველა შესაძლო ზომა რუსეთის ფედერაციაზე გავლენის მოსახდენად ჩვენი მოქალაქეების დაბრუნებისთვის. გვინდა დავამატოთ, რომ მტერმა კიდევ ერთხელ აჩვენა თავისი არსი და კიდევ ერთხელ დაამტკიცა, რომ მის ქმედებებსა და სიტყვებში არანაირი სიმართლე არაა. მოუთმენლად ველით ჩვენი ძმების დაბრუნებას“, – ნათქვამია უკრაინის სამხედრო-საზღვაო ძალების განცხადებაში.
26 თებერვალს გავრცელდა ინფორმაცია, რომ კუნძული ზმეინი რუსეთის ძალებმა აიღეს. გენშტაბში აცხადებდნენ, რომ განხორციელებული შტურმის შედეგად 13 უკრაინელი მესაძღვრე დაიღუპა.
Loading ...