ლანჩხუთის მუნიციპალიტეტის სოფელ სუფსაში წუხელ მოსული უხვი ნალექის შედეგად 25-მდე ოჯახი დაზარალდა. ადგილობრივებს დაეტბორათ საცხოვრებელი სახლების პირველი სართულები და დამხმარე შენობა-ნაგებობები. გაუნადგურდათ საშემოდგომო მოსაავალიც.
დაზარალებულთაგან ერთ-ერთია ბესიკ გურგენაძე. როგორც თვითონ ამბობს, ბოლო ხუთი წელია ამ პრობლემამ ინტენსიური ხასიათი მიიღო. ბოლო ორ თვეში კი მის ეზოსა და სახლში წყალი 13-ჯერ შევარდა.
– ”ამ დილით 70:30 საათზე შემოვარდა წყალი. თითქმის მეტრამდე იყო წყალი. ოთახებში შლამი დატოვა. რაც ამ შემოდგომას ჭირნახული და ჩალა მოვიტანე, ყველაფერი გაანადგურა. ნახევარი გზაზე წაიღო და ეზოშია მიმოფანტული. არხებია გასაწმენდი, არ ატარებს წყალს. ხიდიც არ ატარებს წყალს და გასაფართოებელია. წყლის ყოველი შემოვარდნის დროს ვის არ ვუგზავნი ფოტოებს, მერსაც გავუგზავნე მესენჯერით ვიდეოები, როგორ იყო ჩემი სახლი დატბორილი, მაგრამ რეაგირება ჯერჯერობით არაფერია. ძალიან ცუდი მდგომარეობა გვაქვს მართლა. ყოფილა შემთხვევა, როცა მეტრი და 70 სანტიმეტრი იყო შემოვრდნილი წყლის სიმაღლე. ცხვირამდე მწვდებოდა წყალი, მანქანაც დამეტბორა და გადავაგდე.’‘ – აცხადებს ბესიკ გურგენაძე.
Loading ...
