27 წლის მიშო ქავთარაძის მკვლელობის საქმესთან დაკავშირებით გდდ-ს სპეცრაზმელები თორნიკე გოგიძე და ოთარ მარანელი დააკავეს – ინფორმაციას TV პირველი ავრცელებს. ორივე სპეცრაზმელის გვარი 2024 წლის დეკემბერში მომხდარი მკვლელობის საქმეში ფიგურირებს. საუბარია 27 წლის მიშო ქავთარაძის საქმეზე, რომელიც მისივე კორპუსის ეზოში, მამის თვალწინ მოკლეს.
ჭრილობები მიაყენეს მოკლული ბიჭის მამას, გელა ქავთარაძესაც. ჩხუბის დროს დაიჭრა ქავთარაძეების ორი მეზობელიც, რომლებიც დაპირისპირებულების გაშველებას ცდილობდნენ.
საარქივო მასალების მიხედვით, დანაშაულის ადგილიდან სასწრაფოს და პოლიციის მისვლამდე დაჭრილები კლინიკაში თვითმხილველებმა წაიყვანეს, მაგრამ 27 წლის ახალგაზრდა საავადმყოფოში მიყვანამდე დაიღუპა. მისი მკვლელობის და კიდევ სამი ადამიანის დაჭრის ბრალდებით, პოლიციამ მეორე დღეს გორში სპეცრაზმელის, თორნიკე გოგიძის ძმა, დავით გოგიძე დააკავა.
Loading ...