პარლამენტთან 12 დეკემბერს დაკავებული პირების ნაწილი თბილისის ქალაქო სასამართლომ დააჯარიმა.
მოსამართლე ვალერიანე ფილიშვილმა სამართალდამრღვევად ცნო „ახალი საქართველოს“ ლიდერი გიორგი ვაშაძე და 2000 ლარით დააჯარიმა. მოძრაობა „ლელოს“ წევრს ირაკლი კუპრაძეს 1500-ლარიანი ჯარიმა დაეკისრა. დააჯარიმეს ზურაბ კოსტავა 1500 ლარით, გიორგი ბუნტური 2500-ლარით, ირაკლი ჯუღელი 1500 ლარით.
ნოდარ ბრეგვაძეს სასამართლომ სიტყვიერი გაფრთხილება გამოუცხადა.
პარლამენტთან დაკავებულებს ადმინისტრაციულ სამართალდარღვევათა კოდექსის თანახმად, სამართალდამცავი ორგანოს კანონიერი მოთხოვნისადმი დაუმორჩილებლობას (173-ე) ედავებოდნენ.
პარლამენტმა 12 დეკემბერს უზენაესი სასამართლოს მოსამართლეობის 19 კანდიდატიდან 14 უვადო მოსამართლედ დაამტკიცა. სწორედ, ამ პროცესით იყო გამოწვეული მოქალაქეების პროტესტი, რასაც 16 პირის დაკავება მოჰყვა. ისინი რამდენიმე საათში გაათავისუფლეს.
www.radiotavisupleba.ge
Loading ...